Luk 21:25-31 | YomNWM | STEP | —Bidimbu bi tsisi biela monika mu thangu, mu ngonda ayi mu zimbuetete. Va ntoto, batu bela mona tsisi yingolo mu diambu di biyoko bi mbuayi bi mayo mandi.

Luke 21:25-31

Ndizulu yi Muana Mutu

(Matayi 24.29-35 ; Malako 13.24-31)

25 —Bidimbu bi tsisi biela monika mu thangu, mu ngonda ayi mu zimbuetete. Va ntoto, batu bela mona tsisi yingolo mu diambu di biyoko bi mbuayi bi mayo mandi. 26 Batu bela fuila mu tsisi mudiambu di boma bu mambu mela bua va ntotowumvimba bila lulendo lu diyilu luela nikunu. 27 Buna bela mona Muana Mutu wela kuizila mu matuti mu lulendo ayi mu nkembo wunneni.

28 Mambu mama bu mela tona buna luvumbuka ayi luba vumbula mintu mienobila buna khudulu eno yifikimini.

29 Wubuela tuba diaka nongo yayi :

—Lutala nti wu figi ayi minti mioso. 30 Muthangu mieti tona mena buna beno veka, mu ku mitala, luzebi ti thangu yi luanga ^{▼▼Thangu yi luanga : yidi thangu yi mini mingolo.} yifikimini. 31 Bobuawu, beno mamveno buna luela mona ti mambu momo mavangiminibuna luzaba ti kipfumu ki Nzambi kifikimini.